Print

Biror bir qiymatni, masalan son, matn va boshqa turdagi ma'lumotlarni ekranga chiqarish uchun pythonda print funksiyasidan foydalaniladi.

TIP

print funksiyasi ma'lumotlarni ekranga chiqarish uchun foydalaniladi.

Funksiya deb ma'lum bir vazifani bajaruvchi qismga aytiladi.

Funksiya mavzusiga batafsil keyingi darslarda to'xtalamiz.

Sonni ekranga chiqarish

Misol uchun:

print(12)

Shunchaki print funksiyasi ichiga ekranga chiqarmoqchi bo'lgan sonimizni yozamiz.

Natija

12

Matnli ma'lumotlarni ekranga chiqarish

Misol uchun:

print("Salom")

Yuqoridagi kod ishga tushganda ekranga

Salom

matni chiqadi.

TIP

Pythonda matnli ma'lumotlar qo'shtirnoq ichiga olib yoziladi.

Matnni boshqacha holatda ham ekranga chiqarish mumkin.

print('Salom')

Bu holatda ham avvalgisi bilan bir xil natija chiqadi. Ikkala ko'rinishda ham yozish to'g'ri.

Bir necha ma'lumotlarni ekranga chiqarish

Bir necha ma'lumotlarni ekranga chiqarish uchun quyidagicha yozish mumkin:

print("Men", 2000, "- yilda tug'ilganman")

Natija

Men 2000 - yilda tug'ilganman

print funksiyasi haqida batafsil ma'lumotni bu yerda topishingiz mumkin.