Python documentation

Appearance

*args and **kwargs ​

*args ​

Masalan 2ta sonning yig'indisini topadigan funksiya tuzdingiz. Birozdan keyin 3ta sonning yig'indisini topadigan funksiya ham kerak bo'lib qoldi. Hozirgi bilimingiz bo'yicha 3ta sonning yig'indisini topish uchun yangi funksiya yozasiz.

Bundan ko'ra o'zgaruvchilar soni istalgan bo'lganda ham ularning yig'indisini hisoblaydigan funksiya yozish mumkin. Xoh 2ta, xoh 3ta bu funksiya ularning yig'indisini hisoblab, natijani sizga qaytaradi.

Buning uchun *args dan foydalanamiz.

python
def sum_of_numbers(*args):
    s = 0
    for i in args:
        s += i
    return s
    
summa = sum_of_numbers(1, 4, 7, 12, 45, 122, 67)

print(summa)

Funksiyada *args deb yozilganda args argumenti funksiyaga berilgan barcha argumentlarni tuple qilib o'z ichiga oladi. Natijada biz tupleni aylantirib, umumiy yig'indini hisoblashimiz mumkin.

text
258

**kwargs ​

Agar argumentlar kalit so'zli variantda berilgan bo'lsa, **kwargs orqali barcha qiymatlar kwargs o'zgaruvchisiga yig'ib olinadi va uning toifasi dict bo'ladi.

python
def sum_of_numbers(**kwargs):
    s = 0
    for i in kwargs.values():
        s += i
    return s

summa = sum_of_numbers(a=1, b=4, c=7, d=12, e=45, f=122, g=67)

print(summa)

*args va **kwargs birgalikda ​

python
def sum_of_numbers(*args, **kwargs):
    s = 0
    for i in list(args) + list(kwargs.values()):
        s += i
    return s

summa = sum_of_numbers(5, 3, 45, a=12, b=43, c=75, d=121)

print(summa)

Bu yerda faqat bitta talab bor. Funksiyada birinchi *args, keyin **kwargs yozilgani uchun funksiyaga argumentlarni berayotganimizda ham avval oddiy qiymatlarni, keyin esa kalit so'zli qiymatlarni berish kerak. Aralash bo'lishi mumkin emas.